Nakahanda ng sumugod ang lahat ng pinaligiran sila Adwayan ng bakod na apoy na tila pumoprotekta sa kanila, gaya ng inaasahan gawa iyon ni Ravenum na ipinapamalas sa lahat ang hawak niyang brilyante ng apoy.
Nagulat ang lahat ng nakapaligid sa nakita, isa isa na ring nagsilapit ang iba pang bayani ng encantadia, namangha sa nakita, alam nila kung ano ang alamt ng brilyanteng ito. Mula sa bahay pandigma ay lumabas ang isang encantada, lumapit sa kanila upang makipagkilala. Hindi nila kilala ang encantada ngunit ang lahata ay nagsiyuko na nagpapahiwatig na isang maharlika ang encantada.
"Ako si Raflesia ang nakababatang anak ni Reyna Camilla, nakikita kong hawak mo ang makapangyarihang brilyante ng apoy, marahil ikaw ang isa sa mga tagapangalaga" anang babaeng nagpakilalang anak ni Reyna Camilla
"Kung ikaw nga ang anak ni Reyna Camilla, marahil ay kilala mo si Reyna Helmechia, siya ang naggabay sa amin" ani Onestes
"Ang hangal kong kapatid, na hindi man lamang alam gamitin ang pinamanang Galvaira sa kanya? Nasaan na siya ngayon" ani Raflesia
"Pachnea! Anong karapatan mong hamakin ang panagalan ng reynang inalay ang buhay para sa kapayapaan ng encantadia" galit na sabi ni Adwayan
"Magaspang ang iyong ugali marahil ay ikaw ang sinasabing sugong ipinatapon sa lugar ng mga pachnea, hindi kasi nalalayo ang ugali mo sa kanila, wala na pala ang hangal kong kapatid, wala talaga siyang isip" sabi ni Raflesia
Hinugot ni Andoras ang kanyang espada at itinutok kay Raflesia,
"Ang pag-uugali mo ay hindi sa isang maharlika, kasing sangsang ng mga isda sa pulang dagat ang pag-uugali mo, malayong malayo sa pag-uugali ng Reynang minahal ng lahat" ang tinutukoy na reyna ni Andoras ay si Reyna Helmechia
"Huwag mo akong maikumpara sa kanya" seryosong sabi ni Raflesia
"Hindi ka nga maaring ikumpara sa ugali ng Reyna, kahit mga tiga silbi niya ay mataas ang pag-uugali sa iyo, hawak mo nga marahil ang korona, ngunit mababa ka pa sa alipin." Sagot naman ni Ravenum
Lumitaw ang brilyante ng apoy sa kamay ni Ravenum at isang bola ng apoy ang ginawa nito upang ibato kay Raflesia, Ngunit bago pa tumama kay Raflesia ang bolang apoy ay isang alon ng tubig ang pumatay dito, mula sa di kalayuan ay nagliliwanag ang isang nilalang na tangan tangan ang brilyante ng tubig.
"Ang iyong padalos dalos na pag-iisip ay ikapapahamak hindi lamang ng sarili mo kundi ng mga kasamahan mo, huwag kang magmalaki na hawak mo ang brilyante ng apoy, sa tingin mo anong gagawin mo matapos mong sunugin si Sangre Raflesia?" tanong ng dalagang encantada
Lumingon siya sa paligid niya at nakita na nakahandang sumugod ang mga nasasakupan niyang mga mandirigma. Tama ang dalaga, hindi kailangan ng marahas na pakikipag-usap, sila ang bisita at kailangn nilang makitungo sa mga naririto. Itinago niyang muli ang brilyante ng apoy, alam niyang mapapahamak sila kung magpapatuloy pa sila.
"Sa wakas, isang mahinahong makakausap" ani Onestes
"Ang ngalan ko ay si Onestes maari bang malaman ang ngalan mo? Tanng ni Onestes
"Celestiya, ako si Celestiya"
"Isa siya sa mga binangit sa propesiya, ginamit ko ang kapangyarihan ng panlilinlang upang itago siya sa mata ng mga nagmamsid sa kanya" wika ni Raflesia
"Marahil ay iyon ang dahilan kung bakit hindi siya nakita ni Reyna Helmechia" saad naman ni Onestes
"Dalawang brilyante na ang hawak natin, marahil ay malaki na ang tsansa natin" ani Andoras
"Huwag kang magsiguro binata, kahit na makumpleto natin ang 5 brilyante ay hindi pa rin nakakasigurado ang ating tagumpay alalahanin mong 10 ang hawak na brilyante ng kalaban" paalala ni Raflesia
"Sasama si Celestiya sa paglalakbay ninyo, tunguhin ninyo ang puno ni Danaya sa hilagang kanluran, sasamahan kayo ng mandirigmang si Liyebres. Kakausapin ko ang mga iba pang sundalo na nagtatago sa guho ng kastilyo ng Lireo na tinipon ni Haring Lumeno sa oras na makumpleto ang mga brilyante, ilulunsad natin ang pinakamalaking digmaan sa kasaysayan ng encantadia.
Walang komento:
Mag-post ng isang Komento