Nagdesisyon ang apat na ipagpatuloy ang kanilang paglalakbay, pinili nilang tumuloy sa puno ni Danaya at kunin ang brilyante ng lupa. Nag-aalala sila kung anong susunod na mangyayari sa kanila kung sakaling makaharap muli nila ang isa pang heneral.
Sa Adia naman ay nakarating kay Reyna Ferona ang balitang napaslang ang kaniyang 2 heneral, ang dalawang ningas ng kandila ng buhay ng kanyang mga heneral ay bigla kasing namatay, palatandaan na nawalan na rin ng buhay ang nagmamay-ari nito. Nabahala si Reyna Ferona sa nakita at ipinatawag ang tatlo pa niyang heneral. Ang matandang heneral na si Heneral Xeno na nagmamay-ari ng brilyante ng panahon ang brilyanteng nagkokontrol sa pagtanda, si Heneral Presumar ang nagmamay-ari ng brilyante ng tono ang brilyanteng nagdudulot ng isang nakakawasak na tunog, at isang heneral na natatago sa anino, walang may alam kung sino siya o kung anong kapangyarihan ang hawak niya, ngunit ng masulyapan ang mga mata nito ay taglay nito ang mga mata ng Lemery, ang mga matang kayang baliin ang kasaysayan ano kaya ang brilyanteng hawak ng anino.
Iniutos sa kanilang paslangin ang mga rebeldeng encantada, binalaan silang mag-ingat dahil makapangyarihan ang mga ito at napaslang nila si dostemar at Gamillo.
"Si Dostemar at Gamillo, hindi naman talaga sila karapat dapat na maging heneral, naging heneral sila dahil sa malaki ang nasasakupan nila at hindi dahil sa kapangyarihang taglay nila" wika ni Presumar.
"Kailangan pa bang abalahin ang 3 heneral para lamang sa mga uhuging bata, aking Reyna?" wika rin ni Xeno.
"Gusto kong makasiguradong mamamatay ang mga rebelde, alalahanin ninyong 3 hind ako makakatulog ng mahimbing hangat humihinga ang mga rebelde"wika ni ferona
..
Dumaan sila Andoras sa bayan ng Letre, kumain sila sa isang maliit na tindahan, maingay at maraming nag-iinuman dito, sa isang banda ay may nagyayabang sa pagkakasapi niya sa samahang Kalasag ni Emre, isang lumalaking samahan na laban sa mga taga Adian. Nagpasya sila Onestes na baka malaki ang maitulong nito sa kanila, lumapit si Ravenum at iniutos sa lalaking dalhin sila nito sa kanyang pinuno, Ang lalaking nagngangalang Miroku ay nagulat sa kayabangang pinamalas ni Ravenum, mula pa naman ng una ay ganun ng umasta si Ravenum, ang hindi nakakakilala dito ay mapagkakamalan siyang mayabang, marahil ay dahil narin sa lugar na kinalakhan nito.
Hindi naibigan ni Miroku ang inasta ni Ravenum, hinugot ni miroku ang kanyang espada at tinutok kay Ravenum.
"At sino ka sa tingin mo upang utusan ako, hindi mo ba narinig na kasapi ako sa samng Kalasag ni Emre, ang katulad mong binatang walang alam ay dapat gumalang sa isang tulad ko." Wika naman ni Miroku
"Ang katulad kong binata ay hindi dpat nakikinig sa kapalaluan ng isang tulad mo, matanda na at umaalingasaw pa, hindi ikaw ang kailangan namin kundi ang pinuno niyo" seryosong sabi ni Ravenum
Tumayo na rin si Andoras at Adwayan, waring naghahanda sakaling magkagulo roon, sadya yatang ayaw silang lubayan ng kaguluhan, ngunit bago pa sila magpangabot ay may narinig silang isang napakagandang tinig, at napakalma lahat ang kanilang kalooban, kung saan nanggaling ay wala sila alam.
Lumapit si Onestes kay Miroku at ito ang nakiusap na dalhin sila sa kanilang pinuno, marahil ay iba ang gagawing pakitungo ni Miroku sa kanya dahil isa siyang babae, hindi nga siya nagkamali, maginoo ito sa mga babae at pumayag na dalhin sila nito.
Dumaan sila sa isang masukal na gubat, may isang pihit din ng araw ang kanilang paglalakad ng matunton nila ang isang napakalaking harang na bato.
"Tila yata't hindi mo na rin alam ang pupuntahan natin, naligaw na yata tayo" saad ni Andoras
"Manood ka muna binata" wika ni Miroku
"Cassandra" winika ni Miroku ang salitang iyon at nagbukas ang isang pinto sa harang na bato, tumabad sa kanila ang isang laksang pulutong ng encantadia, dito nagtago ang ibang angkan noong nagutos si Reyna Feronang lipunin ang mga mandirigmang encantadia. Nandito ang bayaning si Gleser ang bayaning nagmana ng kalasag ni Haring Amek, ang panday na si Pestal na isa pang babae, ang sinasabing kaisa isang panday na may kakayahang pandayin ang bato ng Omelia ang pinakamatibay na bato ng encantadia, Si Kronus ang sinasabing pinakamalakas na encantadia ngunit pautal utal ito kung magsalita, ang encantadang si Zeasta ang may kakayahang kumausap sa mga nilalang sa hangin, at napakarami pang iba na sa alamat mo lamang maririnig.
Dinala sila ni Miroku sa isang maliit na bahay pandigma, hinarang sila ng dalawang bantay at hindi sila pinahintulutang pumasok, ang dalawang bantay ay si Ofelia ang kaisa isang encantadang nakabasa ng bibliya ng Sterigal ang librong naglalaman ng sumpang isinulat diumano ng isang bathala, at si Vegal ang encantada mula sa angkan ng Quina ang may kakayahang magkulong ng kapangyarihan ng isang nilalang.
"Sino kayo at bakit kayo narito" sa malakas na tinig na iyon ni Vegal ay napalingon ang mga encantada at nagsimulang magtipon sa kinaroroonan nila Adwayan.
"Naririto kami upang makita ang inyong pinuno" wika ni Adwayan
"Hindi maaring makita ng kung sino sino ang aming pinuno lalo nat mga estranghero" sagot ni Ofelia
"Hindi kaya mga espiya mga iyan" sigaw ng isang encantadang nanonood
"OO nga espiya mga iyan" sigaw rin ng isa
"Tapusin ang mga iyan, wag niyo ng hayaang makaalis" sabi naman ng isa
Walang komento:
Mag-post ng isang Komento