Nanggagalaiti si Reyna Ferona ng makitang namatay na muli ang kandila ng buhay ng 2 sa kanyang Heneral, si Ravenum at Jugo, hindi naman niya alam kung anong nangyari kay Presumar, ngunit nananatiling buhay ang apoy sa kandila nito. Yumanig ang kastilyo ng Adia sa nadamang galit ni Reyna Ferona, dali dali siyang bumaba ng kastilyo patungong silid ng kaluluwa at doon ay dumalangin sa bathalang si Arde. Humingi siya ng gabay mula rito, Hinabi ng bathalang si Arde ang pinagsamang kapangyarihan ng Adia at nabuo mula rito ang Tiara ng Adia na may kakayahang salagin ang kahit anong kapangyarihan, inutusan siyang pumunta sa lumang kuweba ng Demioral at gisingin ang isang nilalang na pinaniniwalaang katawaang tao ng bathalumang si Ether.
"Ang nilalang na iyon ay kinulong ang kanyang sarili sapagkat mismong siya ay natakot sa kanyang kapangyarihang taglay, gamitin mo ang Tiara upang pigilan ang mala-bathala niyang kapangyarihan" sabi ni Arde
Kinilabutan si Ferona sa narinig, ngayon natitiyak niyang wala ng makatatalo sa kanila. Lingid sa kaalaman ni Ferona ay may isang tengang nakikinig, isang tengang pagmamay-ari ng nilalang na hindi na makagalaw dahil sa takot sa narinig.
---------
Sa kabilang dako.........
Hindi pa rin makapaniwala sila Adwayan na nanalo sila sa laban, pero hindi naging madali ang panalong iyon, tunay ngang hindi matatawaran ang taglay na kapangyarihan ng mga heneral.
Lumapit si Adwayan kay Andoras at nakita ang kalunos lunos na kalagayan nito, ginamit niya ang kanyang kakayahang magpagaling na lalo pang pinalakas ng brilyante. Isang iglap lamang at gumaling ang kanilang mga sugat, ngunit nawalan ng malay si Adwayan matapos gamitin ang kapangyarihan niyang iyon.
"Mahabang paglalakbay, nakipaglaban sa isa sa mga heneral na nagtataglay ng brilyante at nagmamay-ari ng mata ng Lemery, nakakagulat at nagawa pa niyang gamutin ang mga sugat natin matapos ang mga bagay na iyon" sabi ni Ravenum
"Bukas ng umaga ay babalik tayo sa tagong lugar at hihingi ng patnubay mula sa mga babaylan, hindi biro ang magpatuloy pa sa paglalakbay lalo na't nakita natin kung gaano kalakas ang mga heneral." sabi ni Liyebres
"Iyon na nga ang ating ma mainam na gawin" ani Onestes
Natulog na sila sa kagubatan ni Reyna Danaya...
Ngunit mula sa kadiliman ay may isang aninong tuwang tuwa sa nagyayari, pinuntahan nito ang mga lugar na pinaglabanan nila Ravenum, Celestiya at Adwayan. Mula sa mga abo ng katawan ni Xeno ay kinuha ng anino ang brilyante ng panahon, mula sa nagyeyelong katawan ni Presumar ay hinigop niya ang brilyante ng tono at mula sa lupang libingan ni Jugo ay lumitaw ang brilyante ng lakas. Lumitaw sa palad ng anino ang 4 na brilyante, isa rito ang imortal na brilyante.
"Ilang piraso na lang ng makikinang na bagay at manginginig ang mga bathala sa aking kapangyarihan" anang anino
Walang komento:
Mag-post ng isang Komento