Nawala na ang imahe ng Hasan Danaya, nilingon niya ang Heneral ng Adian na si Jugo, tama si Danaya, buhay na buhay pa ito, nakaya nitong tumayo mula sa atakeng ginawa ni Reyna Danaya. Anong klaseng halimaw ang nilalang na ito. Ilang sandali lamang at muli na namang nasa kanilang harapan si Jugo.
"Adwayan, mag-iingat ka sa kanyang mga mata" paalala ni Onestes
"Sabihin mo kakayanin mo pa bang tumakas?" tanong n Adwayan kay Onestes
"Pinrotektahan ako ni Andoras at Liyebres sa kaniyang pag-atake, marahil ay kakayanin ko pa" ani Onestes
"Maging ako ay hindi naman gaanong nasaktan, ngunit si Andoras ay tiyak na malubha ang pinsala" singit naman ni Liyebres
"Dalhin niyo ang katawan ni Andoras at lumayo mula rito, haharapin ko siyang mag-isa" wika ni Adwayan
"Hawak niya ang mga mata ng Lemery, subukan mong huwag magpadala sa iyong emosyon" babala ni Liyebres
Hinid naintindihan ni Adwayan ang ibig ipahiwatig ni Liyebres, ngunit may plano si Adwayan, wala siyang lakas ng tulad ng kay Reyna Danaya upang tapatan ang lakas nito, ngunit nasa kanya na ang brilyante ng lupa.
"May dahilan kung bakit hinayaan ni Emre na mapunta ako sa pangangalaga ng mga Hollias Adian, at ipapakita ko sa iyo ang dahila na iyon." paniguradong sabi ni Adwayan
"Ang tanging dahilan kung kaya't pinatapon ka sa lugar na iyon ay upang maging singkitid ng mga pachnea ang iyong pag-iisip" panunuya ni Jugo
"Masdan mo ang pinagsamang kapangyarihan ng Lemery at ang brilyante ng lakas" pagmamayabang ni Jugo
Ang mga mata ni Jugo ay nangitim, kasabay ng pagdilim ng paligid.
"Hayaan mong bigyan kita ng leksyon sa kapangyarihan ng mata ng Lemery, may kakayahan ang mga matang ito na ipakita sa kalaban ang kanyang pinakamalakas na katungali" wika ni Jugo
Mula sa kawalan ay lumitaw ang isang nilalang na tila pamilyar kay Adwayan, napagtanto niyang ito ay kamukhang kamukha niya noong oras na masilayan ito ng buwan.
"Mukhang sinasabi ng aking mga mata na ang pinakamahigpit mong katungali ay ang iyong sarili, mukhang magandang panoorin ang laban ng dalawang pachnea" wika ni Jugo
"Hahaha hindi ako malilinlang ng iyong mga ilusyon Adian" sabi ni Adwayan
Sinugod niya ito gamit ang kanyang espada, ngunit sinalag ito ng kaniyang kawangis gamit ang kawangis na espada niya, lahat ng galaw nito, paraan sa pakikipaglaban, lakas ay katulad na katulad ng sa kanya. Bumunot siya ng punyal at itinurok sa kanang hita ng kanyang kawangis, bumaon ito at lumayo siya mula sa kalaban, ngunit sa kanyang pagtataka ay dumudugo rin ang kanyang kaliwang hita, tila isang salamin ang kanyang kalaban.
Wala siyang pagpipilian kundi ang tawagin ang brilyante ng lupa, ngunit sa kanyang pagkamangha ay tinatawg rin ng kanyang kawangis ang brilyante ng lupa.
"Bakit hindi mo ulitin ang binangit mo kaninang ilusyon lamang ito" sabi ni Jugo.
"Hindi ang mga ganitong bagay ang makakapigil sa akin" wika ni adwayan
Sinugod niya ng buong puwersa ang kalabang kawangis, hindi niya inalintana ang sugat na natatamo niya sa tuwing masusugatan niya rin ang kalaban. Lumayo siya sa dami ng sugat na natamo. Napansin niyang may pagkakaiba sila ng kanyang kawangis. Ang anino, wala itong anino ng tulad ng sa kanya, lumingon siya at nakitang wala rin ang kanyang anino. Napagtanto niyang ang kanyang kinakalaban ay ang kanyang anino. Itinarak ni Adwayan ang kanyang espada sa lupa na dapat sana ay kinalalagyan ng kanyang anino, at nakita niyang nasugatan ang kanyang kalaban. Paulit ulit niyang ginawa ang bagay na iyon hangang sa nagapi niya ang kanyang anino.
"Magaling para sa isang pachnea, ngunit paano mo maililigtas ang sarili mo mula sa akin ngayong punong puno ka na ng pinsala sa iyong katawan" Ani Jugo
Tama si Jugo, wala ng sapat na lakas si Adwayan upang labanan si Jugo, kahit pa pagalingin pa niya ang kanyang mga sugat ay wala na ring magagwa upang pabalikin ang nawala niyang lakas at dugo.
Nagdesisyon siyang harapin si Jugo sa ganoong kalagayan. Sinugod siya ni Jugo at nakaiwas siya.
"Hangang kailan ka makakiwas, pachnea? Isang dampi lamang ng aking kamao at siguwado na ang iyong katapusan" wika ni Jugo
Umilaw ang palad ni Adwayan at lumitaw ang brilyante ng lupa, mula sa lupa ay naglabasan ang mga baging na punong puno ng tinik, pumupulupot kay Jugo, ngunit madali siyang nakakawala sa kakaunting baging na iyon, sumugod siya papalapit kay Adwayan, lalo pang dumami ang baging na may tinik, ngunit wala ng oras si Adwayan malapit na si Jugo at gagawin na nito ang pag-atake niya, isang hibla na lamang sana ng buhok ang layo ng kamao ni Jugo kay Adwayan ng bigla itong nahinto.
"Sa wakas, umepekto rin" ani Adwayan
"Anong ginawa mo sa akin, bakit hindi ako makagalaw" tanong ni Jug
"Ang mga baging na tinawag ko ay hindi para balutin ka at hulihin, ang mga tinik nito ay may pampamanhid, isang tusok lamang mula sa mga tinik nito ay hindi ka na makakagalaw, ngunit para sa katulad mong malahalimaw ang lakas, nakakagulat naya mong tagalan ang lason na iyon at nakagalaw ka pa, eto na ang iyon katapusan" ani Adwayan
Hinatak ng mga baging ang katawan ni Jugo patungong ilalim ng lupa, hangang sa hindi na matanaw ang kanyang bakas.
Susunod: Panganib! Kasamaang higit pa kay Reyna Ferona,
Isang sulyap sa mas mapanganib na kalaban.
Walang komento:
Mag-post ng isang Komento