Nagdilim ang paningin ni Adwayan sa nakita, yumanig ang lupa sa galit na nadama niya, hindi na niya inintindi kung bakit bumalik siya sa dating kinalalagyan, Sinugod niya ng buong puwersa si Jugo gamit ang kanyang kamao, ngunit ni hindi man lamang ininda ni Jugo ang pag-atakeng iyon. Winasiwas siya ni Jugo at humagis si Adwayan.
Muli siyang bumangon, at akmang muling susugod, ngunit mula sa kinatatayuan niya ay bumuka ang lupa, nagliwanag at lumitaw ang napakagandang encantada. Suot nito ang maalamat na baluti ni Reyna Danaya.
"Ako si Hasan Danaya, ang tagapangalaga ng brilyante ng lupa, nakita ko ang dalisay mong puso ng pakitunguhan mo ng maayos ang alaga kong si Nemu at ng subukan mong sagipin ang naghihingalo mong kaibigan, malinis ngunit hindi paapi, ganyan ang tamang asal ng susunod na tagapangalaga ng brilyante ng lupa" wika ni Reyna Danaya.
"Ang banal na encantada ng lupa, mukhang gumaganda ang sitwasyong ito" tuwang tuwang sabi ni Jugo
Sinugod niya ng isang malakas na suntok si Reyna Danaya, ngunit sa pagkagulat niya ay sinalag lamang iyon ni Danaya gamit ang isang daliri, gumanti si Reyna Danaya ng isang pitik at tumilapon si Jugo ng napakalayo.
"PACHNEA! Anong karapatan mong putulin ang pag-uusap ng dalawang makapangyarihang encantada" galit na sabi ni Danaya.
Natameme si Adwayan sa narinig, siya ba ang sinasabi ni Reyna Danaya na isa pang makapangyarihang encantada? MArahil ay siya nga dahil wala naman itong ibang kausap.
Si Jugo naman ay nanatiling nakahiga, nawalan na ata ito ng malay sa lkas ng pag-atakeng natangap.
"Pangalagaan mo ang brilyante ng lupa, Adwayan. Ang gabay diwa na nasa iyong puso ay isang banal na espiritu, iilan lamang kayong biniyayaan niyan. Gamitin mo ng wasto" nakangiting sabi ni Danaya
"May tanong po ako, kapuri puring HAsan, siansabi sa alamat na ikaw lamang sa mga banal na tagapangalaga ang nakatuklas sa tunay na kapangyarihanng brilyante, may pagkakataon bang ituro mo sa akin ang bagay na iyon?" pakiusap ni Adwayan
"Masyadong eksaherado ang kuwentong iyon, maging ang aking mga kaptid ay natulasan ang kapangyarihang iyon, hindi ko maaring ituro sa iyo ang bagay na iyon, ngunit bibigyan kita ng sagot, PAG-ISAHIN mo ang tatlong puso, adwayan" wika ni DANAYA
"At isa pa, hindi na ako magtatagal, iiwan ko na ang pagparusa sa walang kwentang Adian na iyan sa iyong mga kamay, maging mahinahon ka sa kanya" wika ni Danaya
Narinig ba niya ang salitang mahinahon mula rito, kanina lamang ay nakatangap si Jugo sa kanya ng isang malakas na atake, ni hindi na nga gumagalaw ito, tapos sinasabihan siya nitong maging mahinahon?
............
Ginagawa ni Ravenum lahat ng makakaya niya upang iwasan ang mga atake ni Xeno, binigyan nga siya ni Ifrit ng isang pana ngunit ni wala itong palaso, paano naman niya gagamitin ang panang walang palaso?
"Bakit hindi mo gamitin ang iyong sandata, binata, huwag mong sabihing isa lamang iyang dekorasyon?" sabi ni Xeno habang winawasiwas ng kaliwa't kanan ang kaniyang kalawit
Namamatay ang kahit anong tamaan ng kalawit, lupa, puno, kahit ang hangin na tinataman nito ay mistulang naglalaho, sadyang napakalakas ng kanyang gabay diwa.
"Si Hades ay isa sa mga gabay diwa ng Adia, kasam siya sa mga nakatangap ng pang-aalipusta ng mga tulad niyong encantada, sa edad kong ito, namalas ko na ang lahat ng klase ng pang-aapi ng lahi niyo binata" wika ni Xeno
"Ang mga Adia ang umalis sa pananampalataya kay Emre at sumamba ng isang huwad na bathala, dahila upang ipatapon kayo sa dulong hilaga" dahilan ni Ravenum
"Tila pinaniniwalaan mo ang lahat ng nababasa mo lamang sa libro ng kasaysayan" sagot ni Xeno
"Ang ADia ay inalipin dahil natakot sila sa kakaibang kapangyarihan ng mga ito, hindi kami ang tumalikod, kami ang tinalikuran" Galit na sabing muli ni Xeno
hindi pinansin ni Ravenum ang sinasabi ni Xeno, ang mahalaga ay ang manalo siya sa laban, ang kahapong nangyari ay kahapon pa, hindi tamang ulitin nila ang pang-aaping naranasan nila kung totoo man ang sabi nito.
Mula sa kanyang palad ay lumikha is Ravenum ng apoy, ito na lamang gagamitin niyang palaso, kinorte niya ito ng tulad ng sa isang palaso at ginawang bala sa kanyang pana. Itinira niya ito kay Xeno, at umulan ng hindi mabilang na apoy ng pana, walang pnahon para umiwas, inikot ni Xeno ang kanyang kalawit upang magsilbing pananga, ngunit tinamaan pa rin siya ng isang pana sa balikat, ang apoy na mula sa pana ay hindi namamatay, nanatiling nag-aapoy iyon sa balikat ni Xeno, unti unting sinusunog ang katawan ni Xeno.
Hinatak ni Xeno ang balikat upang maputol at matigil ang pag-apoy, wala siyang ibang pagpipilian, kundi ang mawala ang isa niyang balikat, napakadelikado ng gabay diwa ng encantadang kanyang kaharap.
Walang komento:
Mag-post ng isang Komento