Sa kanilang paglalakabay ay huminto sila sa isang kagubatan, doon ay nagkaroon ng pagkakataon si Liyebres na kausapin ang mga encantada ukol sa kapangyarihan ng brilyante, angkin na nila ang 2 ang brilyante ng tubig at brilyante ng apoy, Nalaman nila Ravenum na isang bihasa sa mga brilyante si Liyebres dahilan upang siya ang ipasama ni Raflesia sa kanilang paglalakbay.
"Ang brilyante ng mga elemento, lupa, hangin, tubig, apoy, liwanag at dilim ay may angking kapangyarihang hindi matatawaran, ang bawat brilyante ay nagtataglay ng sariling pag-iisip, kung sa tingin moy pinili mo ang brilyanteng iyan, tila nagkakamali ka dahil ikaw ang pinili ng brilyante, kailangan ninyong matutuhan kung paano ilabas ang kapangyarihan ng brilyante" wika ni Liyebres
"Hindi ba't ang pagtawag sa mga elemento ang kanya ng kapangyarihan?" tanong ni celestiya
"Isa lang iyon sa kapangyarihan ng brilyante, ayon sa alamat tanging si Reyna Danaya lamang ang nakatuklas na may kakaibang kakayahan ang bawat brilyante, nagyari yon noong muntik ng bawian ng buhay ang Reyna Danaya" dagdag pa ni Liyebres
"Ang bawat brilyante ay may gabay diwa, kailangan ninyo munang makilala ang bawat gabay diwa, iyon ang unang hakbang" wikang muli ni Liyebres
"Gabay diwa? Tila wala namang nasaad si Reyna Pirena noong makausap ko siya" pagtatakang sabi ni Ravenum
"Kung hindi ako nagkakamali ay Alipato ang ngalan ng unang gabay diwa ng brilyante ng apoy, ngunit nagbabago iyon sa paglipas ng panahon, nilalang ka mula sa apoy, nananahan na sa puso mo ang gabay diwa ng apoy, kailangan mo na lamang makilala ito" paalala ni Liyebres
"Paano ang proseso ng pagpapakilala?" tanong ni Adwayan
"Hindi ko rin alam, hindi ko pa naranasan ang magkaroon ng brilyante" nakangiting wika ni Liyebres.
Tila nainis si Andoras sa ngiting iyon ni Liyebres kay Adwayan.
"Wala ka rin naman palang maitutulong sa amin!" inis na wika ni Andoras
"Pasensiya na, ngunit ang kaalaman ko ay sapat lamang sa mga nababasa ko sa pahina ng ating kasaysayan" paumanhin ni Liyebres
"Andoras, ginagawa niya ang lahat upang matulungan tayo, marahil ay may maibabahagi kang impormasyon na kapakipakinabang kung kaya't inaalipusta mo ang kanyang karunungan" sabad ni Adwayan
Tumahimik na lamang si Andoras, nainis siya dahil tila mas kinakampihan ni Adwayan ang bagong kasama nila, gayong mas matagal na silang magkasama.
"Nasabi mong mayroong brilyante ng kadiliman, ngunit hindi nasaad sa kasaysayan na merong tigapag-alaga ng brilyante ng kadiiman?" tanong ni Onestes
"Tunay nga ang katalinuhan mo babae, sinabing noong ibinigay sa sangol na si Elestria ang brilyante ng liwanag ay itinago na rin ni bathalang Emre ang brilyante ng kadiliman sa isang lugar rito sa encantadia, sinabing itinago ito dahil kahit ang bathalang Emre ay natatakot sa kapangyarihang taglay ng brilyante." Sagot ni Liyebres
"ngunit hindi ba't siya ang may gawa ng mga ito? Tanong muli ni Onestes
"Ang brilyante ay nilikha ni Emre, tunay at wasto ang impormasyon mo, ngunit nilikha ito mula sa kapangyarihan ng bawat nilalang, hindi mula sa kapangyarihan ni emre, Ang brilyante ng kadiliman ay hinubog mula sa masasamang anino ng bawat nilalang, sinasabing napakaraming kasamaan ang naipon sa brilyanteng iyon, dahilan upang katakutan iyon maging ng mga bathala" wika ni Liyebres
"Kung gayon ay bakit pa nilikha ang brilyanteng iyon? Tanong ni Celestiya
"Upang panatilihin ang balanse ng bawat dimensyon, matatandaang ginawa niya ang brilyante ng liwanag, kasabay nito ay nilikha rin ang brilyante ng kadiliman upang mapanatili ang balanse ng mga dimesyon, maghuhudyat ng pagkawasak ng bawat dimesyon kapag hindi nanatiling balanse ang kapangyarihan ng bawat elemento" sagot muli ni Liyebres
"Naririto pa ba ang brilyanteng iyon?" may pag-aalalang tanong ni Andoras
"Hangat may kadiliman sa puso ng bawat nilalalang mananatiling buhay ang brilyante ng kadiliman" wika ni liyebres
Nag-alala sa narinig niya si Onestes alam niyang may taglay na brilyante ang mga kalaban, sinabi ni Gamillo na taglay nila ang sampung brilyante, ano kaya marahil ang taglay ng mga ito, maaari kayang nasa kanila ang brilyante ng kadiliman.
Napansin ni Liyebres ang malalim na pagiisip ni Onestes, at marahil ay alam niya ang dahilan na iyon.
"Alam kong nag-aalala ka dahil may taglay na brilyante ang mga Adian, at marahil ay iniisip mong taglay nila ang brilyante ng kadiliman, huwag kang mag-alala isang nilalang na may dugong encantada lamang ang maaring magmay-ari ng brilyante, Ang mga brilyante nila ay mula sa ibang Diyos, na hindi natin binibigkas ang ngalan, kalapastanganan kay Emre ang bigkasin ang kanilang ngalan, sinasabing nilikha iyon dahil sa pagkaingit ng huwad na Diyos na iyon sa kapangyarihan ni emre, Ang brilyante ng kamatayan na may kakayahang kumontrol sa mga nilalang na patay na o di kaya'y nilalang ng Limaka(impyerno), Ang brilyante ng panahon na kumokontrol sa edad, pagtanda o pagbata, ang brilyante ng tono na kumokontol sa bawat tunog, ang brilyante ng lakas na nagkakaloob ng ibayon lakas sa nagmamay-ari nito, ang brilyante ng kapangyarihan na nagbibigay ng walang hangang kapangyarihan, ang brilyante ng kaalaman na may kakayahang bigyang ng malawak na katalinuhan ang nagmamay-ari maging ang mga ipinagbabawal na sumpa, ang brilyante ng kaliksihan ang nagkakaloob ng ibayong bilis sa kinikilala niton tagapamahala, ang brilyante ng bangungot na may kakayahang gawing realidad ang nakakakilabot na panaginip, ang brilyante ng panlilinlang na may kakayahang linlangin ang isipan ng bawat nilalang at ang kakilakilabot na brilyanteng imortal, ang sinasabing brilyante ng bathala" kuwento ni Liyebres
Kinilabutan sila sa narinig, anong laban nila sa mga ito, nakakasiguro silang mga bihasa ito sa pakikidigma hindi tulad nilang mga musmusing bata.
"Ano ang laban namin sa kanila" may pag-alalang tanong ni Celestiya
"Kulang ang iyong pananalig Celestiya, ang inyong mga brilyante ay walang hangan ang kapangyarihan, ang brilyante ng aoy ay may kakayahang kontrolina ang lahat ng uri ng apoy, ang nagbabagang bato mula sa bulkan, ang nakakapasong init ng araw atbp, ang brilyante ng tubig ay may kakayahang kumontrol sa lahat ng tubig, yelo, ang bawat nilalang ay binubuo ng tubig, ang brilyante ng lupa ay nangangalaga sa lahat ng nilalang, pachnea o halaman, ang lupa ay buhay, ang hangin ay may kakayahang kumontrol sa panahon, sahinihinga nating hangin, ang liwanag ay nagsisilbing tanglaw sa madilim na panahon, pag-asa.
Huwag niyong iwaglit sa isipan ninyo na ang mga brilyanteng hawak ninyo o maaring makamtan pa ay ang mga brilyante ng mga Banal na encantadia ang mga brilyanteng umukit sa kasaysayan ng encantadia."paalala ni Liyebres
Walang komento:
Mag-post ng isang Komento