Labanan sa Setro Pt 23

Lugar: Bukana ng puno ni Danaya
Oras: Ikatlong pihit sa kalahating anino ng buwan
Pakay: ang brilyante ng lupa ni Reyna Danaya

Mula sa kinaroroonan nila ay natatanaw na nila ang isang napakalaking kastilyong napapaligiran ng mga baging, bago ka makapasok dito ay dadaan ka sa mga gusali ng puno na nagmistulang isang labyrinth.
"Ang akala ko ba'y isang puno ang pupuntahan natin?" tanong ni Andoras
"Tinawag itong puno ni Danaya dahil ang lugar na ito ay nagmumukhang puno sa dami ng baging na nakapalibot sa kanyang kaharian. Sinasabing wala pa ni isang encantada maliban kay Reyna Danaya ang nakatungtong sa lugar na iyan" wika ni Liyebres
Lalo namang nag-alala si Adwayan sa narinig, karapat dapat ba siya upang makapasok sa lugar na ito?
Habang naglalakad sila papalapit sa mga gusali ng puno ay napansin nilang unti unting natutuyo ang mga puno sa kanilang nilalakaran. Mula sa kadiliman ay lumitaw ang 3 Heneral.
"Ang ngalan ko ay si Xeno, isa sa magigiting na heneral ng Adia" wika nito
"Ako naman si Presumar, ang bantog na mangingitil ng buhay na miyembro na ngayon ng heneral ni Reyna Ferona" saad naman ni Presumar
"Ipakita niyong karapat dapat kayo upang malaman ang aking ngalan", wika ng isa pa na hindi mo maaninag ang mukha.
"Kung inyong mapapansin ay walang laban kahit ang mga mahal na puno ni Danaya laban sa akin" pagmamayabang ng matandang si Xeno.
"Bakit hindi ka muling lumingon sa iyong likuran at tingnan ang sinasabi mong mga puno" nakangising sabi ni Adwayan.
Lumingon si Xeno at nakita ang punong hitik na hitik sa bunga samantalang kani kanina lamang ay namamatay na ang mga ito, tunay nga ang sinabi sa alamat, kahindik hindik nga ang kapangyarihan ng diwata ng lupa, alam niyang mali ngunit hinangaan ni Xeno ang kapangyarihan ni Reyna Danaya noong panahong iyon.
"Sa tingin mo Liyebres ano ang gamit nilang brilyante?" pabulong na tinanong ni Ravenum kay Liyebres
"Ang isa sa kanila'y tila ginagamit ang brilyante ng panahon o brilyante ng kamatayan dahil sa namatay na mga puno kanina, hindi natin alam kung namatay o tumanda lamang ang mga ito" sagot ni Liyebres
"Adwayan, bibigyan ka namin ng daan upang makatakbo ka sa palaisipang gubat ng punong ito, gawin mo ang makakaya mo upang makatungtong sa puno ni Danaya" wika ni Andoras
"ngunit hindi ko kayo maaring iwan, mas mataas ang magiging tsansa nating manalo lung mas marami tayo" sabi ni Adwayan
"Tama si Andoras, Adwayan mas malaki ang tsansa nating manalo kung mas marami ang hawak nating brilyante" sabi naman ni Onestes na nakaporma ng panlaban
"Narinig mo ba ang tinuran ng magandang binibini, Xeno? Ang ilan sa kanila'y may hawak ng brilyante, hindi katakatakang natalo nila ang walang kwentang si Gamillo at Dostemar, sisiguraduhin kong mapapasakamay ko ang mga brilyanteng iyon" nakangiting sabi ni Presumar
Walang kwenta? Tama ba ang narinig nilang tinuran ni Presumar, namatay si Reyna Helmechia sa pakikipaglaban kay Dostemar, ngunit tinatawag silang walang kwenta ng mga heneral na ito?
Sinugod ni Andoras ang Heneral na hindi mo maaninag ang mukha, sabay sabing "Takbo" kay Adwayan.
"Sa tingin mo ba'y patatakasin kita ng ganoong kadali?" Wika ni Presumar sabay gamit nito sa brilyante ng tono, gumuhit sa lupa ang nakakawasak na tunog na halos ikabasag ng kanilang mga tainga.
Ngunit humarang si Celestiya, at kumanta, pinigilan ng kaniyang makapangyarihang boses ang nakakawasak na tunog.
"Tila walang silbi sa akin ang hawak mong brilyante, Ginoo" sabi ni Celestiya
Tuluyan ng nakatakbo si Adwayan, hangang nawala na siya sa paningin ng mga heneral
Si Andoras naman ay naiwasiwas na tila isang patpating kawayan sa lakas ng nakaharap na heneral.
"HA! HA! HA! Sa wakas mga nararapat na nilalang, matagal na panahon na noong huli akong nakadama ng ganitong kasiyahan. Ako si Heneral Jugo ang nagmamay-ari ng brilyante ng lakas, hawak ko rin ang mata ng Lemery.wika nito
Si Ravenum naman ay kinaharap ang matandang si Xeno, matanda na ito ngunit alam niyang may kakayahan ito dahil nabibilang ito sa heneral ng Reyna ng Adia
"Tanda! Bibigyan kita ng pagkakataon na umatras at gugulin ang natitira mong buhay ng nagpapahinga" wika ni Ravenum
"Binata, tila ikaw na ang dapat na magpahinga" wika ni Xeno
Napansin ni Ravenum na tila unti unti siyang napapagod sa kanya lamang pagkakatayo, Napansin niya ring lumalabo ang kanyang paningin, at tila nangungulubot ang balat niya.